სამოდელო გაკვეთილი

სამოდელო გაკვეთილი გეგმა ქიმიაში

მასწავლებლის სახელი, გვარი: დარეჯან ბეგიაშვილი

საგანი: ქიმია

გაკვეთილის ტიპი: ინოვაციური,  პრობლემაზე            ორიენტირებული, გამჭოლ კომპეტენციის (მედეაწიგნიერების) გამოყენება

სწავლების საფეხური/კლასი: საშუალო, XI კლასი

გაკვეთილის ხანგრძლივობა - 2გაკვეთილი - 2*40 წთ

მოსწავლეთა რაოდენობა: 25

სსსმ მოსწავლე არ არის კლასში

გაკვ ეთილის თემა: ცილების ცხიმების და ნახშირწყლების მნიშვნელობა  ადამიანის სიცოცხლისათვის,

გაკვეთილის მიზანი: მოსწავლეები შეისწავლიან  ზოგიერთი ჟანგბადშემცველი ორგანული ნაერთის მნიშვნელობას  სასიცოცხლო პროცესებისთვის, გაიაზრებენ ცხოვრების ჯანსაღი წესის მნიშვნელობას, გაიაზრებენ და გაფილტრავენ მოძიებულ ინფორმაციას და  შექმნიან საინტერესო პოსტერებს

გაკვეთილის თემისა და მიზნის შესაბამისობა ეროვნული სასწავლო გეგმის მოთხოვნებთან:

1 მასწავლებელმა უნდა მიუთითოს, თუ რამდენი მოსწავლეა სპეციალური საგანმანათლებლო საჭიროების მქონე და მოახდინოს შესაბამისი აქტივობების მოდიფიცირება.

გაკვეთილის თემა და მიზანი შეესაბამება ესგ-ს მოთხოვნებს  და მეთერთმეტე   კლასის პროგრამით გათვალისწინებულ სტანდარტს;

კვლ.XI.1.მოსწავლეს შეუძლია განსაზღვროს კვლევის საგანი და კვლევის ეტაპები.                      შედეგი თვალსაჩინოა, თუ მოსწავლე:

· განსაზღვრავს და აყალიბებს კვლევის მიზანს;

· გამოთქვამს არგუმენტირებულ მოსაზრებას/ვარაუდს;

 · განსაზღვრავს მონაცემების აღრიცხვის ფორმებს (ცხრილები, გრაფიკები, სიები, ფოტოები, ჩანაწერები).

კვლ.XI.3.მოსწავლეს შეუძლია მონაცემთა წარმოდგენა სხვადასხვა საკომუნიკაციო საშუალების გამოყენებით.                                                                                                                 შედეგი თვალსაჩინოა, თუ მოსწავლე:

 · იყენებს სხვადასხვა ხერხს (დიაგრამებს, ცხრილებს, გრაფიკებს, სიებს) მონაცემთა წარმოსადგენად;

· იყენებს საინფორმაციო-საკომუნიკაციო ტექნოლოგიებს თვისებრივი და რაოდენობრივი მონაცემების დასამუშავებლად და წარმოსადგენად.

 კვლ.XI.4.მოსწავლეს შეუძლია მონაცემთა ანალიზი და შეფასება.                                                                           შედეგი თვალსაჩინოა, თუ მოსწავლე:

 · იყენებს დიაგრამებს, ცხრილებს და გრაფიკებს მონაცემებს ან ცვლადებს შორის დამოკიდებულების აღსაწერად;

· შეიმუშავებს გამოყენებული მეთოდების დახვეწის გზებს.

 ქიმ.XI.5.მოსწავლეს შეუძლია ორგანული ნაერთების დახასიათება, მათი მნიშვნელობის შესახებ მსჯელობა.                                                                                                                                                 შედეგი თვალსაჩინოა, თუ მოსწავლე:

· აკავშირებს ორგანულ ნაერთთა უმნიშვნელოვანეს თვისებებს მათ გამოყენებასთან მედიცინაში, ყოფა-ცხოვრებაში, სოფლის მეურნეობასა და ტექნიკაში;

ინდიკატორები

·         აკავშირებს ელემენტების ფიზიკურ და მნიშვნელოვან ქიმიურ თვისებებს  მათ გამოყენებასთან;

 

N	აქტივობის მიზანი და აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსები (დაასაბუთეთ შინაარსობრივი რესურსების მიზანშეწონილება სასწავლო მიზანთან მიმართებით	დრო (წთ.)
1	გაკვეთილის თემის, მიზნისა და შეფასების კრიტერიუმების გაცნობა აქტივობის მიზანი: მოსწავლეები თემის, მიზნის და შეფასების კრიტერიუმების გაცნობის შედეგად შეძლებენ   კონკრეტულ საკითხზე ყურადღების გამახვილებას და ეცოდინებათ, როგორ შეაფასებენ აქტივობის აღწერა: მასწავლებელი აცნობს მოსწავლეებს გაკვეთილის თემას, მიზანს და შეფასების კრიტერიუმებს და სთხოვს მათ, ყურადღება მიაქციონ შეფასების კრიტერიუმებს, რადგან მათი შეფასება  ამ კრიტერიუმების მიხედვით მოხდება	ვერბალურად და ვიზუალურად	მთელი კლასი	წინასწარ გამზადებული ფორმატის ქაღალდი და პროექტორი თემის, მიზნისა და შეფასების კრიტერიუმების ვიზუალიზაცია ხელს უწყობს მასწავლებელსა და მოსწავლეებს გაკვეთილის მიზნის მიღწევაში	3 წთ
2	აქტივობა საშინაო დავალების შემოწმება- პრეზენტაცია თემაზე: ა.ცილები,                         ბ.ცხიმები,                                               გ. ნახშირწყლები         დ. ვიტამინები, ესტერები აქტივობის მიზანი: წინარე ცოდნის გააქტიურება, მოსწავლეების ყურადღების კონცენტრაცია, პრობლემების გამოკვეთის და გადაჭრის გზების ძიების  მოტივაციის გაზრდა  ჯგუფები აკეთებენ ურთიერთშეფასებას და თვითშეფასებას წინასწარ მომზადებული ბარათებით აქტივობის აღწერა: მასწავლებელი სთხოვს მოსწავლეთა ჯგუფებს, წარმოადგინონ წინასწარ მიცემული დავალება პრეზენტაციის სახით; ხოლო კლასის მოსწავლეები დასვამენ საინტერესო საკითხებზე კითხვებს	შეფასება წინასწარ მომზადებული რუბრიკით, კითხვა-პასუხი	ოთხი ჯგუფი	კომპიუტერის და პროექტორის გამოყენება	1 ჯგ -4წთ, 4ჯგ- 16წთ
3	აქტივობა - მინი ლექცია - ცხოვრების ჯანსაღი წესის პრობლემები   აქტივობის მიზანი: მოსწავლეებმა  არსებული ცოდნის საფუძველზე გაიაზრონ  რას ნიშნავს ჯანსაღი კვება და რა საჭიროა იგი აქტივობის აღწერა: მასწავლებელი მოკლედ მიმოიხილავს ცხოვრების ჯანსაღი წესის პრობლემებს, ხაზს გაუსვამს ჯანსაღი კვების მნიშვნელობას ადამიანის ჯანმრთელობის შენარჩუნებაში	ვერბალური	მთელი კლასი	სახელ ძღვანელო, მოძიებული მასალა	5 წთ
4	აქტივობა -პრობლემის იდენტიფიცირება უცნობი ტექსტიდან აქტივობის მიზანი: მოსწავლეებმა შეძლონ თეორიული ცოდნის პრაქტიკულად  გამოყენება აქტივობის აღწერა:- მასწავლებელი ურიგებს შემთხვევითი შერჩევის წესით შედგენილ 6-6 მოსწავლიან 4 ჯგუფს ნაბეჭდ ფურცლებს უცნობი ტექსტით,რომელსაც მოსწავლეები გამოიკვლევენ, მოახდენენ პრობლემის იდენტიფიცირებას და გამოთქვამენ ვარაუდს  გადაჭრის გზების მოძიების შესახებ; ტექსტი ეხება 4 სხვადასხვა ასაკის და ფიზიკური დატვირთვის მქონე ადამიანების   კვებით პრობლემებს	უცნობი ტექსტის გააზრებული წაკითხვბა	ჯგუფური მუშაობა	ნაბეჭდი ტესტი დავალების რვეულები პასტები	12 წთ
5	აქტივობა- კვების პროდუქტების კალორიების ცხრილის შესწავლა და კვების სწორი გეგმის შედგენა  აქტივობის მიზანი: მოსწავლეებმა შეძლონ სხვადსხვა კვების პროდუქტების კალორიების დათვლით დააბალანსონ განსხვავებული ფიზიკური აქტივობის და ინტერესების ადამიანების ერთი დღის კვება აქტივობის აღწერა:	თანამშრომლობითი სწავლება,	ჯგუფები	ჯგუფებისთვის განკუთვნილი კალორიების ცხრილი,კალორიების დღიური ნორმის გამოსათვლელი ცხრილი	5წთ
6	აქტივობა-მინი-ლექცია   პოსტერის მომზადების შესახებ აქტივობის მიზანი: მასწავლებელი აცნობს პოსტერის რაობას და მისი გამოყენების უპირატესობას აქტივობის აღწერა: მასწავლებელი აცნობს პოსტერის მომზადების ძირითად წესს და ურიგებს მოსწავლეებს A2 ზომის ქაღალდის ნახევარს, ფლომასტერებს, მაკრატელს, წებოს, ფერად ქაღალდს და აცნობს პოსტერის შეფასების რუბრიკას	ლექცია	მთელი კლასი		3 წთ
7	აქტივობა - პოსტერების მომზადება აქტივობის მიზანი: შემოქმედებითი უნარების და მეცნიერული კვლევის უნარების შერწყმა , ტექსტის ანალიზის,გაფილტვრის, ინტერპრეტირების   ლაკონურად და სრულყოფილად გადმოცემისუნარის ჩამოყალიბება აქტივობის აღწერა: მოსწავლეები მუშაობენ პოსტერის შექმნაზე მასწავლებელი ეხმარება თვითეულ ჯგუფს, აკეთებს ჩანიშვნებს		ჯგუფები	A2 ზომის ქაღალდის ნახევარი პოსტერის მოსამზადებლად ფლომასტერები მაკრატელი წებო ფერადი ქაღალდი
8	აქტივობა- პოსტერის პრეზენტაცია აქტივობის მიზანი:გააცნონ აუდიტორიას მომზადებული პოსტერები აქტივობის აღწერა: 4 ჯგუფი აკეთებს პრეზენტაციას თემებზე 1. ფეხბურთელების კვება 2, სუმოისტების კვების პრობლემები 3. მოზარდების კვლევის პრობლემები 4, როგორ უნდა იკვებონ 40-ს გადაციელებული ადამიანები	პრეზენტაცია	ჯგუფური	მომზადებული პოსტერები	12 წთ
9	აქტივობა -პოსტერის შეფასება აქტივობის მიზანი: პოსტერის შეფასება წინასწარ მომზადებული რუბრიკით აქტივობის აღწერა: მასწავლებელი პრეზენტაციის შემდეგ, რუბრიკის და გაკეთებული ჩანაწერების საშუალებით აფასებს თვითეულ ჯგუფს	ვერბალური	მთელი კლასი	პოსტერის შეფასების რუბრიკა	4 წთ
10	აქტივობა - საშინაო დავალება შექმნილი პოსტერების გაცნობა აქტივობის მიზანი - ნამუშევრტების გაცნობა აქტივობის აღწერა-  მოსწავლეები გაეცნობიან ერთმანეთის მიერ შექმნილი პოსტერებს და მომდევნო გაკვეთილზე შეაფასებან მას	ვერბალური	მთელი კლასი	მომზადებული პოსტერები
11	გასასვლელი ბარათების გამოყენებით ჩატარებული გაკვეთილის შეფასება				3

გამოყენებული რესურსები: სასკოლო სახელმძღვანელო ( მ. ვარდიაშვილი, ორგანული ქიმია, XI კლ.) 2011,  ,,ინტელექტი“

შეფასება:   ვაფასებ პრეზენტაციას, ჩართულობას,არგუმენტირებული მსჯელობის უნარს